علاج الامساك اللى هو بداية الطريق للبواسير وفى أقل من يوم واحد ورخيص ومتوفروطبيعى

لسلام عليكم ورحمة الله وبركاته

يا بنات بعد معاناة سنين مع الامساك المزمن واللى سبب لى البواسير والشرخ الشرجى والحمد لله


انا حقيقى جاية اقولكم رسالة منى لكل بنت بتعانى من الامساك حاربى الامساك بمعنى الكلمة

بجد سبب لى فى بلاوى بقالها سنين والحمد لله والعلاج جربته بالصدفة و نجح معايا والنتيجه مزهلة

ومش ملين كمياوى من الملينات اللى ممكن القولون ياخد عليها و مع الوقت مفعولها يروح

العلاج هو


السمسم


ايوة والله العظيم شاهد عليا السمسم علاج رهيب بجد فى الحالات الصعبة جداااااااااااااااااااااااااااا


وفى اقل من يوم واحد



ومش محتاج أى حاجة لا طحن ولا غلى ولا ااااااااا اى حاجه


مجرد انك تاخدى معلقة او معلقتين كبار فى اليوم على أى اكل عندك أو حتى لوحده كده


يعنى على السلطة ماشى على الرز والمكرونة والعيش الابيض الكارثة والسبب الرئيسى فى الإمساك ماشى


اااااااااااى حاجة


وممكن تحطيه صحيح وممكن وهو مطحون انا أفضل الصحيح علشان تاخدى الزيت بتاعه


دا غير القيمة الغذائية بتاعتة تحفة اعملو بحث عليها مش هتصدقو اللى هتلاقوه

انا بعانى من حوالى ست سنين مع الموضوع دا والحمد لله الأسبوع دا بس قايمة افوق منه

وربنا يتم شفايا واتخلص من البواسير اللى جاتلى بسببه

ومتستهونوش بيه يا بنات وتقولو انى بقالى ست سنين يعنى لو عندك دلوقتى اشترى السمسم فورا

وارتاحى

انا البواسير جاتلى من اول شهر تقريبا

دا غير الشرخ الشرجى اللى برده جالى فترة و النزيف بسبب الامساك

و السمسم رائع بمعنى الكلمة بعد مكنت مرة كل اربع ايام وطبعا بالعذاب والمعاناه ونص ساعه على الأقل فى الحمام

اليوم تلات مرات

والنتيجه هتبدى تبان فى أقل من 24 ساعة

وربنا يجعله فى ميزان حسناتى

ملحوظة هامة جدا = اى موضوع من مواضيعى عن تجربتى الشخصية ومسموح النقل لاى حد

كل اللى يهمنى الافادة للجميع

والسلام عليكم ورحمة الله وبركاته


وربنا يكرمنا كلنا و يجعل كل الدول العربية والاسلامية بخير من غير فتن ولا شر